Хар нүдэн роман
- ISBN: 978-9919-0-4935-5
- Хавтас: Зөөлөн
- Хэвлэгдсэн он: 2025
- Хуудас: 342
- Хэмжээ: 148х210 мм
- Жин: 425
- Үлдэгдэл: Үлдэгдэлтэй байна
...Болд морио чөдөрлөж, эмээл, хазаараа гэрийн хаяанд тавиад оров. Тэр, зассан орон дээр хэвтсэн боловч нойр нь хүрсэнгүй. Эмээ орж ирснээ хоймрын орыг засаад дахин гарлаа. Нөгөө олон дэрийг давхарлаатай чигээр нь авч, толгой талын авдар дээрх том толины өмнө тавьжээ. Хамгийн доод талын суурь дэрийг үлдээсэн байна.
“Бөөрөнхий хэлт муу "Дүлзэн бор” чи юу, юу гэж хэлтгийлдээд байлаа. “Болдын хүүхэн эргүүлэх гэж хаашаа харсан юм байдгийм” гээд байл уу? Харнүдэнг амжуулчихдаг юм бол тэмээгээ бүтэн сар дааж хариулна гээд байсан билүү? Чамайг гуч хоногоо байг гэхэд гурав хоног бэлчээрт хатаахсан. Дандаа ам асуудгаа зогсоох биз”.
Чимээ чагнан хэвтэж байхад элдвийн юм бодогдоод байлаа. Бүр инээд хүрмээр хачин балай зүйл ч “муу сав” гээчид нь амилж байх ажээ. “Дүлзэн Төмөрийг харсаар байтал Харнүдэнг тэнгэр харуулчихаад тэлээгээ татаад босч байхсан. Харнүдэнгийн хөх ямар хатуу чанга байв аа..."
Тэгсээр зүүрмэглэж орхижээ. Гэсэн хэдий ч Харнүдэнг ирээд хоолоо идэж байхад нь сэрэв. Өнгөрсөн өдрийн халуун наранд нозоортлоо цохиулж, зам зуур сульдсан хэдий ч залуу хүний шийр юм болохоороо /бор тархины нь аль нэг нугалаасанд манаач эсүүд унтаагүй байснаас/ тийнхүү сэрсэн хэрэг. Харамсалтай нь эмээтэйгээ юу ярьсныг сонссонгүй. Баруун орон дээр “ямар гайхал” унтаж байгааг асуусан л байж таарна. Хариулсан ч байж таарна. Уг нь Болд Харнүдэнг хэвтэх, хувцсаа тайлахад хөнжлийн сэжүүрээр сэм ажина гэж наашаа харан хэвтсэн, хэдийнээ хана руу хөлбөрчихснийг мэдэхгүй, одоо мэдвэл буруу харчихсан байлаа. Тэр чигээрээ хэвтэхээс өөр арга алга. Чухам азгүй буюу нойрмог дорой гэж биеэ зэмлэхээс өөр арга алга.
