Хакелберри Финнд тохиолдсон адал явдал-2
Эрхлэн гаргасан: Болор судар хэвлэлийн газар
- ISBN: 978-99978-6-412-3
- Хавтас: Зөөлөн
- Хэвлэгдсэн он: 2019
- Хуудас: 256
- Хэмжээ: 130*180мм
- Жин: 231
- Үлдэгдэл: Үлдэгдэлтэй байна
Бидний “Том Сойерын адал явдал” зохиолоор нь сайн мэдэх болсон Америкийн алдарт зохиолч Марк Твений бас нэгэн адал явдалт, сонгодог зохиол жаалууд та бүхний өмнө байна. Энэ номд “Том Сойер” гэсэн нэр гарч, бүр нэг баатар болчихсон байвал битгий гайхаарай. Зохиолын гол дүр Хакельберри Финн бол Том Сойерын маш сайн найз нь юм. Тиймээс сайн найзууд адал явдалд нэгнээ орхино гэж үү.
Хакельберри Финн ядуу тарчиг амьдралд өссөн, сэргэлэн, цовоо хүү. Аав нь хаа яваа нь мэдэгдэхгүй ор сураггүй болсон учир хатагтай Дуглас хүүг өсгөж хүмүүжүүлэхээр болно. Багын дураараа өссөн Хак цэвэр цэмцгэр гэр, хээнцэр ганган хувцас, дасаж сураагүй соёлч зан, хичээл сургууль гээд олон зүйлтэй нүүр тулснаар зохиол маань эхэлнэ. Хүүхдүүд ээ, дэггүй Хак шинэ гэртээ дасах болов уу? Түүнд ямар адал явдал тохиолдох бол? Уг зохиолыг бүрэн эхээр нь бяцхан уншигчдадаа хоёр ном болгон хүргэж байна.
