[{"code":"monsieurbiz.html","data":{"content":"Энэхүү номд хосын харилцаанд илэрх сэтгэцийн эрүүл мэндийн нуугдмал асуудлуудын тухай хөндсөн. Хосуудын ихэнх маргаан хайргүй болсноос бус ойлгоогүй өвдөлт, гомдлоос эхэлдэг. Заримдаа уур бухимдал, хардалт, үл ойлголцлын цаана сэтгэл гутрал, сэтгэл түгшил, нойргүйдэл, сэтгэл хөөрөл, хоёр туйлт сэтгэцийн эмгэг зэрэг сэтгэцийн эрүүл мэндийн асуудал нуугдаж байдаг.\r\n\r\nНомын зохиогч Р.Энхтүвшин нь сэтгэл засалч, лектор, судлаач бөгөөд 19 жилийн турш онол, практикийг хослуулан ажиллаж, 25,000 гаруй цагийн сэтгэл зүйн зөвлөгөө, сэтгэл заслын эмчилгээ үзүүлж, 70,000 гаруй хүний амьдралд хүрч ажилласан юм."}}]null
