[{"code":"monsieurbiz.html","data":{"content":"Эцгийн эрхт ёс хэт ноёрхсон феодалын нийгмийн үеийн Монгол төрийн уламжлалд эмэгтэй хүн хаан суух ёсгүй билээ. Үүнээс улбаалан Алтан ургийн долоон настай Батмөнхийг даян хаанаас ёс төдий өргөмжлөөд Мандухай хаант төрийн эрхийг авахад Баруун монгол буюу Ойрад, Зүүн монголоос ангид оршин тогтнож, Зүүн монгол нь дотроо Баруун гурван түмэн, зүүн гурван түмнээрээ талцан сөргөлдөж, тэдгээрийн харъяанд байх ёстой отог, аймаг бутран, бие даах гэсэн ноёдын хүслийг Мин улсын зүгээс өөгшүүлэн дэмжиж, Ойрад, Зүүн монголын хооронд яс хаян хооронд нь дайтуулж хүчийг нь сулруулахаар шордож байсан үе. Энэ тухай нэрт түүхч Рушпунцаг \"Болор эрхи\" хэмээх бүтээлдээ:\r\n\"Төр мэдэгч сайдыг үл хэрэглэн\r\nТүрэмгий ардын үгийг авна.\r\nБоол хятадаар засаг бариулан\r\nБорви хөхүүрт сархад хийнэ.\r\nЕр эзэнгүй улс мэт, эхгүй мал мэт...\" хэмээн бичсэн байдаг. Энэ үеийн үйл явдлыг зохиолд тусгахыг хичээнгүйлэн бичив. "}}]null
