Бортого сүү
Эрхлэн гаргасан: Хайтан студи
- ISBN: 978-99978-1-942-0
- Хавтас: Зөөлөн
- Хэвлэгдсэн он: 2017
- Хуудас: 619
- Хэмжээ: 140х205 мм
- Жин: 740
- Үлдэгдэл: Дууссан
Энэ номд, уламжлал ёсоор дурдатгал дурсамж, бодол эргэцүүлэл ярилцлага сурвалжлагаас аваад бусад ордог төрөл зүйлүүд орсон...
Харин, "Манайхан, минийхэн" гэсэн нэг шинэ төрөл нэмэгдсэн. Тэр нь юу вэ? гэвэл, Би гэдэг хүн нилээн дээр цагт ганц бие амьтан явсан. Тэгээд эргээд харахад нэгэн хүчирхэг заан мод шиг хүн болчихож... Юу болсон яасан бэ? гэвэл ижил ханьтай явж.. Олон үр хүүхэдтэй болж.. Олон бэр хүргэд..үр хүүхдийн үр хүүхэд гээд өчнөөн ач зээ, улмаар олон ачинцар зээнцэртэй болж...
-Өвлийн ид хүйтэн үе гэдэг оруу буурын шүд шиг тачигнаад яасан аймшигтай юм бэ!
Хоолой боочих гээд байгаа юм шиг нэг л эвгүй оргиод байхаар, дэрээ орны толгой өөд өгсүүлэн өндөрлөж тавиад, налан суусан Дагиймаа, харанхуй гэр дотор юу ч харахгүйгээ мэдсээр авч, хаашаа харвал юу харагдах бол гэсэн аятай зуух, үүд, өрх рүү харав. Нэлдээ харанхуй юм чинь юу харагдах аж. Хоолойн аргаж хорсох улам ихсэж, амьсгаадах, ханиалгах нь зугуухан газар авсаар байгаагаа бодохоор Дагиймаад улам аймшигтай санагдана. Ер нь миний үхэх цаг л ойртоод байна гэж сүүлийн үед тэр, өөрийн эрхгүй бодох болов. Түүний ингэж бодоход, шөнийн энэхүү ажин түжин харанхуй улам нэмэр болно. Хоолойныхоо өвчнөөс салах гэж Дагиймаа үнэндээ шагаа бараад цөхөрчээ. Ардын эмнэлэг энээ тэр гэж нэг их ярьдаггүй цаг байв.
Нэг удаа эмнэлэгт очиж, эмчид үзүүлээд, буцахдаа автобус дотор амьтан хүнтэй шахалдан аахилж уухилан ханиалгаж, хахаж цацан, нулимсаа гоожуулан явахы нь харсан бөгтөрдүү нуруутай буурал эмээ:
- Охин минь чи энэ өвчнөөр өвдөөд удчихсан харламар юмаа даа!...
